Usuarios da Asociación A Creba Saúde Mental visitaron na mañá deste xoves 17 de febreiro o Centro Cultural Lustres Rivas. Alí puideron contemplar os diferentes elementos dos que consta a nova exposición titulada 1921-2021, 100 anos da bandeira galega no Palacio municipal da Coruña.
Da man do técnico municipal de Cultura Unai González, os integrantes desta asociación integradora e inclusiva puideron coñecer as características desta mostra que busca conmemorar a colocación fai un século da bandeira galega nun edificio institucional: neste caso, o consistorio herculino o 25 de xullo de 2021.
A proposta esta está composta de dous bloques, un formado por un módulo tipo cómic debuxo por Alberto Taracido e Rubén Dial e o outro pola recreación da bandeira dende unha visión persoal por parte de 18 ilustradores, boa parte deles vinculados á plataforma Coruña Gráfica.
A exposición poderá ser visitada ata o 8 de marzo. O horario de visita será de luns a venres de 10 a 14 e de 19 a 21 horas e os sábados de 11 a 14 horas.
