O Rotogal Boiro Voleibol recibirá ao Conectabalear Manacor o mércores 16 de febreiro

Miguel Álvarez.- Finalmente o partido entre o Rotogal Boiro Voleibol e o Conectabalear Manacor, correspondente á décimo sexta xornada da Superliga masculina, disputarase o mércores 16 de febreiro, ás 20.00 horas, no Pavillón da Cachada. O encontro foi aprazado o pasado sábado, 29 de xaneiro, despois de que varios xogadores do equipo mallorquino desen positivo por COVID-19.

Tamén se fixou a data do partido Rotogal Boiro Voleibol-Unicaja Almería, que fora posposto debido a que varios xogadores do equipo andaluz habían dado positivo por coronavirus. O choque celebrarase finalmente o xoves 10 de marzo, ás 20.00 horas, na Cachada.

O Rotogal Boiro Voleibol, que disputou o seu último partido de liga o 18 de decembro na Cachada contra o Guaguas, retomará a competición este sábado na pista do Río Duero Soria despois de catro adiamentos seguidos. O mércores 9 visitará ao San Sadurniño ás 20.00 horas e aínda debe pecharse a data do encontro pendente ante o Teruel a domicilio.