M.Alvarez.- Dous triunfos seguidos #ante o Eivissa Ushuaïa e o Conectabalear Manacor relanzaron ao Rotogal Boiro Voleibol na Superliga. Os da Cachada visitan mañá ao Léleman Valencia (ás 19.00 horas en Benicalap Sur) co obxectivo de prolongar a boa dinámica adquirida despois do parón polo Nadal e os aprazamentos. Ademais, o choque pode ter un premio extra para os galegos, porque, se gañan, poderían asegurar unha praza no play off polo título cando aínda quedarían por disputar seis encontros.
En principio, o Rotogal Boiro Voleibol poderá contar con todossus efectivos para visitar a un Léleman
Valencia que, a pesar de que deu unha boa imaxe na primeira volta na Cachada, loita por escapar
dos postos de descenso. Gaby do Carmen, receptor do conxunto boirense, advirte que o rival de mañá
“é un equipo moi competitivo, que non regala nada e que en casa xoga moito mellor que a domicilio.
Será un partido moi sufrido”.
O Léleman Valencia é un recentemente ascendido que, aos poucos, foille collendo o aire á Superliga.
Ocupan a novena posición e o seu obxectivo é a permanencia. Dispoñen dun conxunto no que
destaca o oposto Vitor Amorim. Ademais, o veterano colocador Javier Monfort é outra das pezas
crave no conxunto levantino.
