O presidente do Goberno, Pedro Sánchez, desprázase este luns a Galicia para recibir aos sobreviventes e vítimas do pesqueiro galego “Villa de Pitanxo”, que chegarán ao redor das 00,15 horas ao aeródromo militar de Santiago de Compostela, a bordo do avión fretado este pasado domingo polo Goberno de España para a repatriación dos tripulantes desde Terranova, Canadá. Previamente á chegada do avión, o xefe do Executivo, acompañado polo ministro de Agricultura, Pesca e Alimentación, Luís Planas, manterá un encontro con familiares dos tripulantes do “Villa de Pitanxo”.
Posteriormente, o presidente do Goberno recibirá aos sobreviventes e vítimas do pesqueiro galego repatriados desde Canadá.
