A deputada do Grupo Popular Ana Belén García Vidal salientou hoxe no Parlamento galego as actuacións
realizadas en Noia con cargo ao Fondo de Compensación Ambiental da Xunta de Galicia, “que suporán un importante aforro enerxético, así como unha maior salubridade da Casa do Concello”.
Ana Belén García preguntou esta mañá na Comisión Institucional do Parlamento galego á directora xeral de Administración Local, Natalia Prieto, sobre as axudas concedidas pola Xunta con cargo ao Fondo de
Compensación Ambiental e salientou que o concello de Noia viuse beneficiado con estas subvencións para a adquisición dun vehículo, con distintivo ambiental cero emisións para a Policía Local e para a realización de obras de eficiencia enerxética na Casa do Concello.
En concreto, estas actuacións na Casa do Concello consistiron na substitución do sistema de iluminación da fachada, o vestíbulo e o salón de plenos por lámpadas led, co que se consigue un importante aforro
enerxético e diminuír a contaminación lumínica no exterior do edificio; así como o encintado dos muros de granito deste inmoble para diminuír as emisións de gas radón.
