Este venres 25 de febreiro representantes do Concello de Porto do Son (encabezados polo alcalde Luis Oujo) mantiveron unha xuntanza coa veciñanza da parroquia de Xuño, na Casa da Cultura local, coa finalidade de atender e rexistrar súas demandas e necesidades.
O obxectivo destas charlas-coloquio é o de informar á veciñanza das actuacións que se están levando a cabo, así como explicar os proxectos das obras aprobadas para poñelas en marcha o antes posíbel. Tamén, como dixemos, coñecer de primeira man as súas suxestións e peticións.
