O Concello acondiciona o lavadoiro de Rocapellón en Corrubedo

Lavadoiro de Rocapellón en Corrubedo antes da actuación

O Concello de Ribeira procedeu ao acondicionamento do coñecido como lavadoiro de Rocapellón en Corrubedo, preto da praia do Prado.
A actuación incluíu unha intensa limpeza da infraestrutura eliminando abundante vexetación así como a adecuación do seu entorno buscando o seu uso e desfrute. Ademais, está previsto renovar parte do mobiliario deste conxunto arquitectónico tradicional.
Cómpre lembrar que o Plan de Turismo Sustentable de Ribeira inclúe actuacións de restauración doutros lavadoiros radicados no noso termo municipal, como son o de Penisqueira en Aguiño e a humanización e rexeneración ambiental do entorno do lavadoiro de San Roque. Para ambas actuacións destínanse un total de 50.000 euros de fondos Next Generation.

Lavadoiro de Rocapellón en Corrubedo actualmente