O Club de Remo da Pobra celebra este sábado a súa asemblea xeral de socios (precedida dunha regata de bateis)

O Club de Remo da Pobra do Caramiñal (Club Remo Puebla) comunicou que este sábado 5 de febreiro de 2022 está prevista a celebración da súa asemblea xeral de socios. Será ás 19:00 h. en primeira convocatoria e ás 19:30 en segunda convocatoria. A xuntanza de traballo terá lugar na nave de usos náuticos.

A entidade deportiva engadiu que “xusto antes da asemblea celebraremos unha regata de bateis amistosa entre os clubs da comarca”. Está previsto que dea comezo ás 16:30 h. A regata está destinada a dar experiencia ao mais novos (categorías alevín, infantil e cadetes).

Volvendo á asemblea, terá a seguinte orde do día:
Lectura e aprobación do acta anterior.
Aprobación contas 2021.
Aprobación liña de crédito.
Informes de directiva e novas inversións.
Rogos e preguntas.