A Policía Local de Ribeira abriu dilixencias para un xuízo rápido a un home veciño da Pobra de 47 anos de idade por un presunto delito contra a seguridade viaria.
Os feitos, documentados polos axentes, foron os seguintes: sendo ás 01:18 da pasada madrugada, a Policía Local recibiu a chamada dun particular alertando de que un turismo marca Citroën Xara circulaba pola estrada AC-305 en dirección Ribeira, invadindo ambos sentidos da calzada e botando moito fume pola roda traseira esquerda, estando esta rebentada e a piques de saírse.
Os vehículos localizaron o vehículo en cuestión á altura do número 178 da avenida da Coruña, estacionado na beiravía. Ao entrevistarse co seu condutor este presentaba signos evidentes de atoparse baixo os efectos do alcohol, ademais de percibir un forte olor a goma queimada procedente dos baixos do coche. Neste senso, os efectivos observaron que tiña a roda traseira esquerda desprazada, a roda dereita dianteira pinchada e as lamias (llantas) dianteira e esquerda deformadas, carecendo de tapacubos en todas as rodas a excepción da traseira dereita.
O transporte tamén presentaba rabuñaduras nos laterais dereito e esquerdo e outro golpe na parte traseira.
Realizadas as probas de alcoholemia, o condutor arroxou senllos resultados positivos de 0,74 e 0,70 mg/l. O vehículo foi trasladado ao depósito municipal dada a imposibilidade de que proseguise a marcha.
Posteriormente, facendo unha inspección do presunto percorrido realizado, localizouse á altura do número 10 da rúa Galicia de Palmeira os restos do turismo, achándose tres tacacubos, restos de carrozaría e anacos do disco de freo.
