O Concello de Boiro vén de informar da realización dunha serie de obras destinadas a renovar pavimentos e redes de servizo en Graso, na parroquia de Abanqueiro. Trátase, comunicou o Consistorio, dunha actuación que forma parte dun proxecto obras financiado con cargo ao Plan Único (POS) da Deputación da Coruña.
Os traballos contemplan unha renovación integral no firme e na rede de pluviais “xa que o seu estado de deterioro provocaba problemas de seguridade cando se producían choivas”, explicaron fontes do Concello, engadindo que coa renovación do firme buscábase conservar as características funcionais e a protección do conxunto da superficie da estrada.
A actuación en Graso forma parte dun proxecto para a renovación de pavimentos en varios puntos do termo municipal. Con este proxecto actuouse en Coroño, Cabo, Cespón e Treites, onde se fixo a renovación superficial do pavimento para resolver as deficiencias no mesmo, que viña demandando gastos excesivos para a súa conservación.
“Con esta obra en Graso vimos de completar as actuacións de pavimentado levadas en varios puntos do termo municipal mellorar os servizos e a accesibilidade nos núcleos do rural”, afirmou o alcalde. As actuacións, dun orzamento total de 66.251,89 euros, leváronse a cabo con cargo ao Plan Único (POS) da Deputación da Coruña.
