Cultura de Ribeira convoca audicións para incorporar novas voces á Coral

A Concellería de Cultura de Ribeira que encabeza a edil María Sampedro vén de convocar audicións para incorporar novas voces á Coral Polifónica Municipal de Ribeira. As sesións estarán abertas ás persoas maiores de 18 anos e terán lugar os días 8 e 9 de marzo, de 18.30 a 19.30 horas no Auditorio Municipal de Ribeira.

As persoas interesadas en participar deben inscribirse ata o 6 de marzo chamando ao 981 835 650 ou enviando un correo electrónico a culturaefestexos@ribeira.gal indicando nome, apelidos, idade, teléfono de contacto e día de preferencia.

A día de hoxe a Coral Municipal está integrada por trinta persoas e dirixida dende o outono do ano pasado por Chema Ares.