O grupo socialista de Ribeira, a través do seu concelleiro e voceiro José Manuel Vilas, engadiu unha proposta-complemento á listaxe provisional de proxectos do Concello de Ribeira que aspiran ao Plan POS +2022, convocado pola Deputación da Coruña. As propostas do PSOE ao Plan de Obras e Servizos +2022 da entidade provincial serían as que citamos a continuación:
-Pavimentado e alumeado de camiño transversal na rúa Luís Seoane – rúa Castelao (cen metros lineais, Aguiño, referente 00389).
-Pavimentado e alumeado camiño transversal rúa Castelao – rúa Lagarto (en Aguiño, 115 metros lineais, marxe esquerda).
-Pavimentado e alumeado camiño primeira transversal rúa Castelao (00373, 70 metros lineais, Aguiño).
-Pavimentado e alumeado camiño transversal rúa Castelao (43 metros lineais 9086515MH9098N0001RY, Aguiño).
