O Concello de Boiro fixo un recordatorio do plan a seguir este mércores 5 de xaneiro para recibir aos Reis Magos e dar acubillo á súa comitiva, un plan que foi estudado a detalle para garantir as máximas condicións de seguridade sanitaria para pequenos e maiores.
Segundo explicou o Goberno local, a actividade dará comezo algo antes das 17.00 horas, cando está prevista a saída da Cabalgata dende Lampón. Participarán no itinerario até Boiro só catro carrozas: o Belén e as tres dos Reis magos, unicamente con dúas persoas cada unha.
O percorrido farase sen paradas e non haberá tirada de caramelos.
Os Reis farán unha recepción para os nenos e nenas de Boiro na Boqueira da Negral e outra en Escarabote, con acceso controlado.
