M. A. O partido entre o San Sadurniño e o Rotogal Boiro Voleibol, correspondente á décimo terceira xornada da Superliga Masculina, celebrarase finalmente o mércores 9 de febreiro, ás 20.00 horas, no Pavillón Municipal de San Sadurniño. O encontro aprazouse o pasado 8 de xaneiro despois de que varios xogadores do conxunto local desen positivo por COVID-19.
O Rotogal Boiro Voleibol aínda deberá confirmar os horarios dos partidos aprazados contra o Unicaja Almería e o Teruel. Os da Cachada recibirán este sábado ao Conectabalear Manacor ás 19.00 horas no que será o primeiro partido despois do parón do Nadal.
