O Noia visita ao Ponteareas

A Terceira División xa vai collendo forma e a partir de agora cada partido é unha final para os
equipos que se atopan loitando por diferentes obxectivos. É o caso do Noia, que se atopa na
decimoquinta praza con 16 puntos a dous tan só da permamencia.
O seu rival desta xornada será o Ponteareas, que se sitúa un posto por riba dos noieses con
un punto máis. Trátase dun encontro de vital importancia para ambos cadros dada a
situación na que se atopan.
No encontro da primeira volta os de Iván Carril venceron por 3-1 nun partido no que foron
moi superiores, pero o fútbol é moi cambiante. O Noia vén de sufrir unha dura derrota fronte
ao colista na casa por 0-1 e o Ponteareas caeu en Vilalba por 2-0. O encontro
correspondente á xornada 21 terá lugar o domingo a partir das 16:30 horas no Estadio
Municipal de Pardellas.