O Concello de Boiro vén de recibir unha subvención da Axencia Instituto Enerxético de Galicia para levar a cabo proxectos de enerxías renovábeis térmicas. O proxecto que se pretende levar a cabo é a instalación dunha caldeira de biomasa para as instalacións da Piscina Municipal.
O obxecto destas axudas é “apoiar proxectos coa finalidade do aforro enerxético e fomentar o uso racional das enerxías limpas coa instalación de elementos para xerar enerxía térmica mediante equipamentos que empreguen a biomasa como combustíbel e outras instalacións que empreguen como fonte de enerxía a xeotermia, a aerotermia e a solar térmica”.
Con esta actuación está prevista a retirada da caldeira da gas existente antiga e de baixo rendemento para instalar un sistema de biomasa (pellets) de carga automática cun depósito de 2.000 litros para a almacenaxe da enerxía que xera a caldeira.
Para a execución deste proxecto o Concello de Boiro recibe unha subvención da Xunta de Galicia a través do Instituto Enerxético de Galicia (INEGA) por importe de 79.546,37 euros, mediante o Fondo Europeo de Desenvolvemento Rexional no marco do programa operativo FEDER-Galicia 2014-2020.
