Noia renovará o 14 de febreiro a actividade marisqueira

O 14 de febreiro é a data acordada polo cabido da confraría de Noia para o regreso dos máis de 1.500 produtores aos areais.

Pola contra o banco da Misela, un dos máis importantes da concesión, permanecerá pechado para preservalo para a próxima campaña e co propósito de efectuar sementas. A actividade extractiva manterase ata o 13 de abril.

En canto aos topes, para o sector de a flote poderán collerse sete quilos de berberecho por tripulante, tres tanto de ameixa xapónica como de babosa, e dúas de fina.

En canto ao colectivo de a pe, cada mariscador poderá coller catro quilos de berberecho, tres de ameixa xapónica e babosa, e un par de fina.

A primeira fase concluíu o 4 de xaneiro, con baixos prezos debido á caída de vendas polas cancelacións de comidas nos restaurantes.