O comité clínico que asesora á Xunta de Galicia á hora de tomar medidas de protección fronte ao coronavirus propón levantar desde este próximo sábado case todas as restricións que se aplican na comunidade autónoma desde o pasado Nadal.
Mantense o certificado covid se o autoriza a xustiza, pero levántanse todos os límites que afectan á hostalería e o lecer nocturno.
A HOSTALERÍA E O LECER NOCTURNO RECUPERAN HORARIOS
En primeiro lugar recupérase a mobilidade total. Levántase o toque de “non” queda as fins de semana que impedía reunións de non conviventes entre as 3 e as 6 da madrugada.
A hostalería (bares, cafeterías e restaurantes) recupera o seu horario ata a 1 da mañá durante a semana e 1,30 h a fin de semana.
Tamén o lecer nocturno gaña horas de apertura e vai poder funcionar ata as 4 da mañá por semana e ata as 5 as fins de semana.
Serán precisamente as discotecas e os pubs quen máis noten o cambio: actualmente teñen que botar o enreixado ás 3 da madrugada, gañan por tanto desde este sábado dúas horas de apertura ao público.
“Recuperar horarios é unha gran noticia”, explica en Cope Santiago Nino, o xerente dun de Blaster, un dos locais con máis tirón na noite compostelá. “É boa noticia porque se ve que a xente está a facer as cousas ben”,
Outra modificación importante que ten que ver coa hostalería é a recuperación da barra dos bares, que volve ser utilizable desde o sábado.
Tamén se permiten de novo os espectáculos nos que o público está de pé (iso si, sempre con máscara).
O ENTROIDO, CON PRECAUCIÓN
Para o Entroido que se celebra a finais do mes de febreiro a Xunta vai pedir aos concellos que controlen o cumprimento da normativa. Non se vai a poder fumar nos lugares onde está o público, e será necesario ensinar certificado covid en todos os eventos nos que se permita beber.
O Sergas ten previsto enviar aos concellos o documento coas medidas para o Entroido, para que así teñan tempo para organizarse.
Desde algunhas cidades con moita tradición de Entroido xa se celebra a apertura: o alcalde de Ourense dicía esta mañá que hai ” via libre a un gran Entroido”.
