Folga nas conserveiras de peixe este venres 21 de xaneiro e o 3 e 4 de febreiro

 OS sindicatos CIG, CCOO e UGT convocan mobilizacións en distintas localidades do país coincidindo coas tres xornadas de folga no sector das conservas de peixe previstas para este venres 21 de xaneiro e para o xoves 3 e o venres 4 de febreiro.

As centrais sindicas reclaman un convenio colectivo digno e denuncian a «ruptura unilateral das negociacións por parte da patronal».

Na primeira xornada de paros as tres centrais desenvolverán mobilizacións conxuntas en Boiro, Vigo e
Vilagarcía. En Boiro celebrarase a concentración diante do Concello ás 12:00 horas.