A Liga de Cruceiros da Ría de Arousa terá a súa próxima manga este sábado 29 baixo a
organización do CN Vilagarcia, con saída prevista para as 13:30, onde as embarcacións
rexistradas realizarán un percorrido costeiro polo interior da Ría de Arousa. O cartel de
favoritos preséntase moi amplo e variado, e calquera embarcación en liza pode levar as
honras nunha liga que consiste en 6 probas con 1 descarte por embarcación, circunstancia
que abre aínda mais o abanico.
Esta segunda etapa chega despois de que a primeira xornada fose suspendida pola falta de
vento. Unha proba que ía ter lugar no Porto da Pobra. A data para esa manga está por
concretar da man do comité de Competición.
