Este luns iníciase en Boiro a actividade dunha nova edición do Mercado de Nadal A Factoría das Raíñas, que ficará aberto até mañá, martes 4 de xaneiro, en horario de 11.00 a 14.30 horas e de 17.00 a 21.30 horas.
A actividade será novamente organizada polo Concello e A Gata Moscovita na praza da Boqueira da Negral. Haberá postos de artesanía e gastronomía, actividades creativas e dinamizadoras e máis degustacións.
A Factoría das Raíñas é unha característica feira propia destas datas dende a que se ofrecen aos asistentes produtos artesanais e autor/autora para agasallar e autoagasallarse coma, por exemplo, bonecos de trapo, complementos de festa, decoración, cerámica ou ilustración. Como dixemos, haberá un espazo importante destinado á gastronomía.
