Axentes da Policía Nacional e da Policía Local de Ribeira detiveron a noite do martes nunha vivenda de Santa Uxía a un home despois de que varios veciños alertasen dunha forte discusión no domicilio. O home detido foi acusado de presuntamente agredir ao seu fillo menor de idade e de incorrer nun potencial delito de violencia doméstica no ámbito familiar.
Os axentes entraron na vivenda e levaron ao home que foi trasladado ás dependencias da Policía Nacional. Segundo relatou o menor o pai tiráralle dos pelos e agarrado e apertado o pescozo, ademais de insultalo en múltiples ocasións. O rapaz é menor de idade e no caso de que a nai non prsente denuncia actuaría de oficio a fiscalía de menores.
Desde a Policia están a salientar o aumento da conflitividade en Ribeira, no referente á violencia doméstica con varios arrestos por presuntos delitos de violencia de xénero.
