Aprazado o Teruel-Rotogal Boiro Voleibol


M.A.- O partido que o Teruel e o Rotogal Boiro Voleibol deberían disputar este sábado na cancha dos turolenses foi aprazado. O motivo é que varios integrantes do equipo aragonés deron positivo por COVID-19.

A nova data da disputa do encontro correspondente á décimo quinta xornada da Superliga aínda non se confirmou. O adiamento do partido contra o Teruel é o terceiro consecutivo para o Rotogal Boiro Voleibol, que disputou o seu último encontro da Superliga hai exactamente un mes (o 18 de decembro contra o Guaguas na Cachada). Despois, casos de COVID-19 nos rivais impediron que se celebrasen os duelos ante San Sadurniño, Unicaja Almería e, agora, Teruel.

Un intre do encontro dos boirenses co Guaguas