A CIG convoca 11 protestas este domingo para esixir a derrogación real das reformas laborais

A CIG convoca unha xornada de mobilizacións nas sete cidades e en Vilagarcía, Viveiro, Ribeira e Cee para o domingo 30 de xaneiro, en rexeitamento “á fraude que supón a nova reforma laboral e para esixir a derrogación das reformas impostas dende o ano 2010”, explica o sindicato galego. Ademais, o día que se celebre o pleno do Congreso no que se convalide o RD/lei 32/2021, que previsibelmente será o 3 de febreiro, a CIG tamén se concentrará diante Delegación do Goberno na Coruña e nas Subdelegacións de Pontevedra, Ourense e Lugo.

Por outra banda, esta xornada de mobilizacións do domingo 30 vaise desenvolver de xeito conxunto en Galiza, Euskal Herria e Catalunya en “resposta ao novo ataque á clase traballadora que supón esta reforma laboral que significa maior precariedade e o aumento da centralización da negociación colectiva”, engade a CIG.

Horas e lugares das mobilizacións

A Coruña: ás 12h, na Praza de Vigo.

Ferrol: ás 12h, no local sindical CIG na Avda. do Esteiro.

Lugo: ás 12h, no Edificio Sindical (Ronda da Muralla).

Ourense: ás 11.30h, no Edificio Sindical (Parque de San Lázaro).

Pontevedra: ás 12h, na Praza da Ferrería.

Santiago de Compostela: ás 11.30h, na Praza Roxa.

Vigo: ás 12h, desde a Dobrada.

Vilagarcía: ás 12h, na Casa do Mar.

Viveiro: ás 12h, na Praza do Concello.

Ribeira: ás 12h, na Praza do Concello.

Cee: ás 12h, diante do Concello.