O Concello de Dodro vén de compartir datos de interese sobre a nova edición da Andaina Bisbarra do Sar, a número 15 xa, que ten previsto celebrarase o vindeiro sábado 2 de abril de 2022. Segundo informou o Goberno local, haberá prazas sen custe para as veciñas e veciños do termo municipal que queiran participar neste evento deportivo e de confraternidade.
A inscrición realizarase no Departamento de Deportes ata o 28 de febreiro.
Máis información no teléfono 981 802 532 ou na dirección de correo electrónico deportes@dodro.gal.
A andaina vén da man do Colectivo Remonte e dos Concellos de Dodro, Rois e Padrón, xunto coa Federación Galega de Montañismo, a Deputación da Coruña, Deporte Galego e a Xunta de Galicia. Para máis información cómpre visitar a web www.andainabisbarradosar.com.
Trátase dunha proba oficial da Copa Galega de Andainas de 50 quilómetros. Será un percorrido por terras dos ditos concellos, con distancias opcionais: 16 quilómetros, 18 quilómetros, 34 quilómetros e 50 quilómetros. O tempo máximo da camiñada será de 12 horas, achegándose a opción de ir correndo (6 horas e 30 minutos).
