A Asociación Boirense de Empresarios (ABE) entregou o premio final de 1.000 euros correspondente á Campaña de Nadal 2021-2022 (Nadal Fantástico) que chega estes días ao seu remate. A gañadora deste galardón especial de 1.000 euros foi Paula Alonso García, que rexistrou un tícket de compra adquirido na Librería El Cisne.
A ABE informa de que “con este último sorteo ponse punto e final a Campaña do Nadal da ABE na que, por primeira vez na historia da nosa asociación, participaban todos os socios da patronal”.
En canto a valoración do novo sistema de rexistros habilitado no ano que vimos de despedir, o presidente, Daniel García, presidente da entidade, indicou que “foi todo un éxito, xa que nesta última semana rexistráronse 1.268 tíckets, o que supón un récord absoluto de todas as campañas realizadas”. No que respecta aos números totais, García comenta que “en toda a campaña foron rexistrados 3.833 tíckets ou facturas”.
Os datos dos rexistros por cada sorteo foron os seguintes:
Sorteo 1 de 500 € _ 425
Sorteo 2 de 500 € _ 730
Sorteo 3 de 500 € _ 780
Sorteo 4 de 500 € _ 680
Sorteo final de 1.000 € _ 1.268
A maiores, a ABE lembra que a vindeira semana celebrarase a entrega de premios que “por desgraza e debido ás restricións da COVID terá que ser o mais restrinxida posíbel”.
Todos os premios consisten en Bonos ABE, que se poderán utilizar, sen caducidade, en calquera dos 190 socios da patronal boirense
A ABE aproveitou para agradecer implicación dos socios na campaña, “que foi fundamental para acadar este éxito de rexistros”.
