Unha gran versión do Rotogal Boiro Voleibol é insuficiente para dobregar ao poderoso Guaguas

19 Decembro 2021

Miguel Álvarez.- O partido entre o Rotogal Boiro Voleibol e o Guaguas non decepcionou a ninguén. Ambos os conxuntos ofreceron un alto nivel na Cachada e os canarios, tras un inicio no que foron sometidos polos boirenses, mostraron o seu enorme potencial en terras galegas. Aos de Marcelo Benavídez non lles abondou con dar a súa mellor versión do curso no primeiro set ante un adversario que medrou co marcador en contra e acabou facendo valer a súa condición de campión da Superliga e candidato a reeditar o galardón (1-3).

O Rotogal Boiro Voleibol asinou un primeiro set case perfecto; posiblemente, o mellor do que vai de tempada. Cunha enorme contundencia no saque, someteu a un Guaguas desbordado ante o empuxe local. Todo funcionou para os de Benavídez, que pecharon o parcial cun folgado 25-17 ao seu favor.

Porén, o panorama investiuse na segunda manga, cando os canarios reaccionaron e, tamén desde o servizo, equilibraron a balanza cun nítido 15-25 ao seu favor. O Guaguas escapouse desde os albores do set ante un Rotogal Boiro Voleibol que pouco puido facer para contrarrestar o despregamento dos amarelos.

E, despois de repartirse exhibicións nos dous primeiros parciais, a partir do terceiro set expúxose un escenario máis igualado. Malia que O Rotogal Boiro Voleibol deu a cara, o Guaguas tomou a dianteira no marcador cun axustado 23-25. O equilibrio mantívose no cuarto set. No entanto, o poderío do bloqueo canario castigou os problemas que o Rotogal Boiro Voleibol padeceu nalgunhas recepcións para encarrilar un encontro co que se abriu a segunda volta e alcanzouse o parón do Nadal (21-25).

Rotogal Boiro Voleibol, 1: Gaby del Carmen, Mario Iglesias, José Carlos Romero, Felipe Benavídez, Renan Levandoski, Gaspar Bitar e Adrián Alves (líbero). Tamén xogaron Alan Davila, Cristóbal Álvarez e Pablo Nieto.

Guaguas, 3: Yosvany Hernández, Matthew Knigge, Yadrián Escobar, Hage, Borja Ruiz, César Martín e Alejandro Fernández (líbero). Tamén xogaron Paulo Renan Bertassoni, Almansa, Ángel Rodríguez y Moisés Cézar.

Sets: 1-0 (25-17), 1-1 (15-25), 1-2 (23-25) y 1-3 (21-25).

Árbitros: Jesús Antonio Soria e Hugo Suárez.

Incidencias: Partido disputado no Pavillón da Cachada ante uns 400 espectadores.

Outros artigos

Carlos Núñez regresa este mércores 24 de xullo ao Pazo de Goiáns

Logo do éxito acadado en 2023 no Pazo de Goiáns (Boiro), o noso gaiteiro Carlos Núñez volve este verán ao histórico edificio de Boiro e faino no marco da súa xira Lugares Máxicos 2024 co seu traballo Celtic Sea. O concerto é este mércores 24 de xullo ás 20.00 horas....

+

Publicidade

Revista en papel

Opinión

“Vergüenza o sinvergüenza”. José Antonio Constenla

“Vergüenza o sinvergüenza”. José Antonio Constenla

Desvergonzado es aquel “que habla u obra con desvergüenza”, y también elque “no muestra vergüenza por cometer acciones que se reputan inmorales”. Yvergüenza es la “turbación del ánimo ocasionada por la conciencia de algunafalta cometida, o por alguna acción deshonrosa...

“Para desfrutar dela”. Luís Celeiro

“Para desfrutar dela”. Luís Celeiro

As festas de verán en Galicia son ledicia, festa, música e baile, verbena e fartura. Pola mañáé outra cousa, os traballadores teñen que respectar o horario e andar dereitiños cara aolugar do traballo. Ou cara ao ordenador que espera coa lámpada acendida e co disco...