Unanimidade no pleno de Boiro a prol do sector bateeiro

O Concello de Boiro celebrou este mércores 22 o pleno ordinario correspondente ao mes de decembro. A sesión contou coa ausencia de dous concelleiros do Partido Popular, polo que contou cun total de 15 membros da corporación. Como de costume pode verse a sesión na canle en Youtube do Concello de Boiro. O pleno saldouse con decisións relevantes, como a aprobación unánime da moción do PSOE para apoiar ao sector bateeiro dende o Concello ou, tamén, a luz verde para a ordenanza municipal de medio ambiente.

As votacións quedaron deste xeito:

1. Aprobación, se procede, do ditame da moción do grupo municipal do PSdeG-PSOE de apoio ao sector bateeiro – aprobada por unanimidade (15 votos a favor).

2. Aprobación inicial, se procede, do ditame da ordenanza de medio ambiente do Concello de Boiro – aprobado con 10 votos a favor (PSOE, BNG, Boiro Novo, IC Boiro e non adscrito) e 5 abstencións (PP).

3. Aprobación, se procede, do ditame sobre a aprobación do plan normativo anual 2022 – aprobado con 8 votos a favor (PSOE, Boiro Novo, IC Boiro e non adscrito) e 7 abstencións (PP e BNG).

4. Aprobación, se procede, do ditame de resolución de reclamacións e aprobación definitiva do orzamento do exercicio 2021 – aprobado con 10 votos a favor (PSOE, BNG, IC Boiro, Boiro Novo e non adscrito) e 5 en contra (PP).

5. Aprobación, se procede, do ditame da moción de IC Boiro/ Mixto para a modificación da ordenanza fiscal de ITVM – aprobado con 7 votos a favor (PSOE, BN e IC Boiro), 6 votos en contra (PP e non adscrito) e 2 abstención (BNG).

*Boiro Novo presentou unha emenda para que a parte resolutiva recollese o ano 2023 e se puidese levar a cabo, que foi aprobada.

6. Aprobación, se procede, do ditame da moción do grupo municipal do BNG sobre o estado das obras de ampliación da estrada de Neixón – aprobado por unanimidade (15 votos a favor).