O compostelá de apenas 23 anos, regresa ao Julio Mato para xogar na Terceira División, unha categoría que xa disputou co club noiés na súa primeira tempada como sénior. Por aquel entonces o Tino Míguez soñaba con poder dedicarse ao fútbol, unha ilusión que non perdeu. Por iso, decidiu emprender unha aventura en diferentes equipos por todo o mundo, convalidando os seus estudos coa súa carreira futbolística. Un ascenso á Segunda División de Eslovaquia co Petrzalka e un subcampiuonato da United Soccer League, cuarto escalón do fútbol estadounidense, son os seus recentes éxitos.
Agora volta a España, logo de rematar un Máster (MBA), e volve á Terceira División para axudar ao equipo que lle deu a oportunidade de calzarse as botas nunha categoría de gran prestixio. Míguez pode actuar como extremo, mediapunta ou dianteiro, caracterizado pola súa gran velocidade e regate, será un dos nomes propios nesta segunda volta da Terceira Galega. Iván Carril poderá contar así cun xogador diferente nos últimos metros, algo que estiveron botando de menos neste últimos encontros.
