Simón Gómez corónase no Torneo de Nadal de Golf do Concello de Boiro


O Barbanza Golf acolleu unha nova xornada de golf, desta vez a penúltima proba do Torneo de Nadal que se disputou no Concello de Boiro. Na categoría absoluta o golfista Simón Gómez alzouse co triunfo, cun resultado de cinco golpes baixo par. Manuel Pena, e Jorge Docabo completaron o podio.
Na categoría hándicap, cun resultado impresionante, o vencedor foi Damián Eiras, seguido de Manuel Godón e Antón Gómez. Na categoría Sénior, Marcos Fernández foi o mellor, e na feminina a gloria foi para Begoña Urgoiti. Por último, Javier Pola fíxose co trofeo na categoría Junior.
114 participantes déronse cita nesta proba, á que acudiron o alcalde de Boiro, José Ramón Romero e a concelleira de Deportes Dores Torrado e o concelleiro Marcos Fajardo. Este fin de semana terá lugar a última proba do cirucito, e estará adicada ao Concello de Ribeira.