Onte, tras ter coñecemento dun brote por COVID-19 que afectaba a 11 residentes da área Sanitaria de Santiago de Compostela vinculado á celebración dunha cea o 7 de decembro á que acudiran unhas 120 persoas, desenvolveuse un cribado específico para todo o colectivo de Médicos Internos Residentes da Área Sanitaria de Santiago de Compostela, ao que foron citados 300 residentes.
Acudíu preto do 70% dos citados e descubríronse 7 positivos máis. Ao respecto da asistencia a este cribado hai que ter en conta que nestes intres moitos residentes xa non se atopan en Santiago.
Subliñar que nin a dirección da área sanitaria nin o coordinador de docencia tiñan coñecemento da celebración deste evento que contravén as diretrices marcadas polo Servizo de Medicina Preventiva, anteriormente enviadas a toda á institución e nas que se recomendaba que non se celebrasen este tipo de actividades.
