Ribeira retoma a ruta BTT do nadal con dous percorridos alternativos de 27 a 43 quil. e limitado a 200 participantes

17 Decembro 2021

Despois de dous anos o Concello de Ribeira retoma a súa Ruta BTT do Nadal cunha undécima edición que terá lugar o vindeiro domingo 9 de xaneiro. O concelleiro de Deportes, Javier Sampedro, e Eduardo Iglesias en representación da Asociación Arousa Neo deron a coñecer as características desta convocatoria que, dada a situación covid, verá
limitado o seu número máximo de participantes a 200.
A cita, de carácter non competitivo, contará con dúas rutas a escoller entre os ciclistas: unha de 27 kilómetros de dificultade baixa ou outra de 43 kilómetros de dificultade media que segue o trazado anterior incorporando a maiores tramos máis esixentes.
Tanto a saída (ás 9 da mañá) como a chegada serán no Complexo da Fieiteira. O percorrido terá un arranque urbano para logo pasar por diversos itinerarios clásicos desta ruta como o dolmen de Axeitos, San Alberte ou San Xián de Artes. Arousa Neo estase a encargar de poñer a punto os camiños.
Tendo en conta os condicionantes covid, verase de que xeito se pode organizar o pincho final con que tradicionalmente conclúe esta cita.
Inscricións
As inscricións, que teñen un prezo de 6 euros, pódense formalizar ata o día 5 de xaneiro ás 11 horas na páxina web galitiming.com aínda que dada o interese mostrado dende que se anunciou a celebración do certame (que en edicións anteriores adoitaba congregar medio milleiro de participantes) o máis seguro é que as prazas se esgoten nuns poucos días.

Outros artigos

Publicidade

Revista en papel

Opinión

“Vergüenza o sinvergüenza”. José Antonio Constenla

“Vergüenza o sinvergüenza”. José Antonio Constenla

Desvergonzado es aquel “que habla u obra con desvergüenza”, y también elque “no muestra vergüenza por cometer acciones que se reputan inmorales”. Yvergüenza es la “turbación del ánimo ocasionada por la conciencia de algunafalta cometida, o por alguna acción deshonrosa...

“Para desfrutar dela”. Luís Celeiro

“Para desfrutar dela”. Luís Celeiro

As festas de verán en Galicia son ledicia, festa, música e baile, verbena e fartura. Pola mañáé outra cousa, os traballadores teñen que respectar o horario e andar dereitiños cara aolugar do traballo. Ou cara ao ordenador que espera coa lámpada acendida e co disco...