O vindeiro mércores 29 de decembro, ás 19.00 horas, o salón de actos do Auditorio de Rianxo vai dar acollida a un vídeo-forum do documental de Pedro Solla Morreu o demo acabouse a peseta. Trátase dunha actividade abeirada á programación do Titiriberia, festival de monicreques que se celebra cada ano no concello rianxeiro. O documental en cuestión é un percorrido pola historia dos Silvent, últimos titiriteiros tradicionais galegos co seu personaxe Barriga Verde, establecendo vencellos entre estes artistas e a tradición europea dos monicreques populares.
