Papá Noel estivo estes días de xira pola nosa comarca, sendo especialmente fotografado na xornada do 23 de decembro nas parroquias de Porto do Son, nas que se xuntou coa rapazada e coas familias e interesouse polos desexos dos máis pequenos.
Iniciou a súa estadía en Porto do Son, onde habilitou un centro de operacións temporal, e pasouse logo (nesta orde) por, San Pedro, Xuño, Caamaño, Queiruga, Baroña, Noal, Nebra, Miñortos, Portosín e de regreso novamente a Porto do Son (sobre as 19.00 horas).
As visitas de persoeiros de Nadal proseguirán o día 5 en Porto do Son (e nos demais concellos da nosa comarca), co itinerario dos Reis Magos que seguirá o mesmo traxecto que Papá Noel polas parroquias.
