O Concello de Outes compartiu o seu programa de actividades de Nadal, un programa de mercado cariz cultural e con actividades para veciñas e veciños de todas as idades. A continuación, damos conta da axenda:
-17 de decembro. Ás 21.00 horas, actuación da Escola de Música e Baile Tradicional na Casa da Cultura.
-18 de decembro. Ás 19.00 horas, teatro infantil na Casa da Cultura con Só. Ás 20.00, concerto a cargo da Coral Poeta Añón na Capela da Serra de Outes.
-21 de decembro. Ás 17.30 horas, contacontos de Nadal na Biblioteca Municipal.
-26 de decembro. Ás 19.00 horas, espectáculo infantil Unha festa de Nadal na fraga, na Casa da Cultura.
-27 de decembro. Ás 19.30 horas, concerto da Coral O Peirao na Igrexa do Freixo.
-28 de decembro. Ás 12.00 horas, espectáculo de teatro infantil na Casa da Cultura: Mariné e o xastre de Magalofes. Ás 20.00 horas, chocolatada co grupo Pandereteiras de Tremuzo, no Centro Social da Serra.
-29 de decembro. Ás 20.00 horas. Concerto da Banda Municipal de Música na Casa da Cultura.
-30 de decembro. Ás 19.00 horas. Punkdemia (teatro infantil) na Casa da Cultura.
-4 de xaneiro. As 19.00 horas, Contos e outras andrómenas, teatro infantil na Casa da Cultura.
-5 de xaneiro. A partir das 17.00 horas, a Cabalgata de Reis visita Outes e as súas parroquias.
