A recente vitoria de Valentín González Formoso para dirixir o PsdeG-Psoe está a orixinar unha crise dentro dos socialistas ribeirenses que rematou de momento, nun conflicto que chegou ós xulgados e incluso á comisaría da Policia Nacional.
Parece que a causa inicial arrincou co cambio na dirección do PSdG-Psoe, onde Gonzalo Caballero acabou cedendo o mando a Valentín González Formoso, sen embargo outros afirman que a crise que afecta ós socialistas ribeirenses e que lle fixeron perder unha importante cantidade de apoios vén de antes, da decisión do PSOE de dar o visto e prace á continuidade do actual alcade o fronte do Concello de Ribeira. Os votos do socialista foron claves para que o popular aprobase a confección da corporación.
Esta decisión de apoio o rexedor popular complicou a situación nos últimos tempos quecendo o ambiente ata o punto de que Vilas e outros membros do partido denunciaron a un dos integrantes do grupo crítico por telos agredido, supostamente, dándolle ao primeiro un cabezazo, que o presunto autor nega.
O edil levou o asunto á Policía Nacional, que á súa vez remitiu o expediente ao xulgado, pero atopouse a semana pasada cunha denuncia na súa contra, que o acusan de chamar por teléfono a unha militante do PSOE ribeirense para ameazala e denigrarla. Esas palabras tamén as nega Vilas, que asegura que son totalmente falsas.
Os problemas chegan,s egundo afirma, trala designación de José Manuel Suárez-Porta como membro de comité nacional do PSdG, a pesar de que no comité local gañou o candidato Gonzalo Caballero por 28-22. Desde o grupo crítico afirman que nas asembleas do partido non se explicou que había vacantes para o devandito cargo e que tampouco se facilitaron as actas das xuntas.
A situación de enfrontamento entre os socialistas ribeirenses apunta a que o control do partido en Ribeira seguirá o vindeiro ano cando expire o mandato de José Manuel Vilas, que non poderá seguir dirixindo os socialistas locais tras unha ducia de anos no cargo periodo máximo que permite o PSOE.
