Os Reis Magos visitarán Porto do Son o vindeiro 5 de xaneiro. Farano respectando ao máximo as medidas anti-COVID e evitando aglomeracións. A súa estadía no concello comezará cedo pola mañá, arredor das 10.00 horas na parroquia de Miñortos, a carón da igrexa. A partir de aí iniciarase un percorrido por todos os recunchos do termo municipal co fin de achegar a todas as crianzas a posibilidade de celebrar con elas a festividade, ao tempo que se contribúe a crear grupos reducidos e se evitan desprazamentos. As Súas Maxestades virán acompañadas da ruada Fantasía Iluminada
O Concello de Porto do Son compartiu as paradas que as nenas e nenos deberán ter en conta para desfrutar da visita dos Reis Magos:
✨ #Miñortos / Igrexa >>> 10:00h – 10:20h
✨ #Portosín / Praza do Curro >>> 10:35h – 11:00h
✨ #Nebra / Colexio 11:30h – 12:00h
✨ #Noal / Fronte á fonte de Cabanela >>> 12:20h – 12:40h
✨ #Baroña / Bar 85 >>> 13:00h – 13:15h
✨ #Queiruga / Casa da Cultura >>> 13:30h – 14:00h
✨ #Caamaño / Casa da Cultura >>> 16:00h – 16:30h
✨ #Xuño / Casa da Cultura >>> 16:45h – 17:10h
✨ #SanPedro / Casa da Cultura >>> 17:25h – 17:50h
✨ #PortoDoSon / Comezo do Pasarrúas ás 18:10h
O Concello engadiu que “debido á estrutura do vehículo, só se realizarán paradas nos puntos de encontro indicados”.
Amais, as nenas e os nenos que o desexen poden entregarlle as súas cartas nos puntos de encontro establecidos.
