M. A.- Esta finde o Rotogal Boiro Voleibol vai afrontar o seu segundo derbi galego do curso. Os da Cachada visitan este sábado ao Arenal Emevé nun encontro que pode servir como trampolín para obter a clasificación para a Copa do Rei. Para iso, os de Marcelo Benavídez deberán vencer ao conxunto lucense no duelo que comeza ás 20.00 horas no Pavillón Municipal.
O Rotogal Boiro Voleibol comparecerá na cidade da muralla coa moral reforzada despois dos últimos resultados cultivados na Superliga e coa dúbida de Felipe Benavídez. O receptor arxentino, que non puido acabar o choque do pasado domingo ante o Melilla por unhas molestias na zona abdominal, permaneceu toda a semana entre algodóns e a súa presenza na cancha lucense este sábado non está asegurada.
El Arenal Emevé, noveno clasificado da Superliga, apura as súas opcións para acceder á Copa do
Rei. Os lucenses Mario Dovale e Víctor Bouza son dous dos referentes dun equipo que o pasado verán reforzouse cos arxentinos Joaquín Alzueta e Agustín Bruschini. O obxectivo primeiro dos de Diego Taboada é asegurar a permanencia. A pasada campaña, o Rotogal Boiro Voleibol certificou a clasificación para a Copa do Rei cun triunfo por 2-3 a beiras do Miño.
