O recorte de cotas pesqueiras en 2022 terá un impacto de máis de 16 millóns en Galicia

16 Decembro 2021

A directora xeral de Pesca, Mercedes Rodríguez, cifrou en máis de 16 millóns de euros o impacto en Galicia do recorte de cotas pesqueiras en 2022, tras o acordo alcanzado esta semana en Bruxelas polos ministros de Pesca da UE.
Na comisión de Pesca, explicou que 7 millóns dese total correspóndense cos ingresos que deixará de percibir a frota galega pola primeira venda desas toneladas de captura, mentres que o resto ten que ver co impacto en 64 das 81 ramas de actividade económica existentes en Galicia.
De tal forma, a comunidade galega concentra o 63% do impacto das reducións das posibilidades pesca nos caladoiros do Cantábrico Noroeste, entre as que se inclúen o descenso do 8% na pescada de augas ibéricas, a caída do 19% no lirio ou os recortes do 7% na cabala e do 5% no linguado.

Ademais, subliña que este impacto súmase ás perdas estimadas de 26 millóns polos recortes de cotas de 2021 na comunidade galega.

Así, lembra que este cálculo fai referencia ao acordo xa pechado para as pesqueiras do Atlántico e do mar do Norte, sen incluír as augas compartidas co Reino Unido. Nestas últimas establecéronse para o primeiro trimestre de 2022 cotas provisionais e proporcionais correspondentes ao TAC existente este ano, o que dá estabilidade á actividade da frota á espera de que se peche o acordo definitivo entre Bruxelas e o Goberno británico.

En canto ás repercusións desde o punto de vista laboral, a directora xeral sinalou que o acordo de TAC e cotas poñen en risco preto de 60 empregos e 2,4 millóns en salarios das tripulacións, que deixarán de ser percibidos polos mariñeiros.

Outros artigos

Publicidade

Revista en papel

Opinión

“Cordura y centralidad”. Alberto Barciela

“Cordura y centralidad”. Alberto Barciela

Los anhelos, las ambiciones desmedidas, pero también las más o menos comprensibles, se confunden entre tantos escombros, entre los cascotes de lo que fueron los valores consensuados por la sociedad, la política, la Justicia, la economía. Incluso las referencias...