O Museo do Gravado de Artes (Ribeira) vai inaugurar o vindeiro 10 de decembro unha importante mostra artístico-literaria que homenaxea aos escritores Rosalía de Castro e Álvaro Paradela. A cita será ás 20.30 horas na Sala 0 do centro artístico emprazado na parroquia de Artes.
A exposición consta de 26 gravados á pluma orixinais inspiradas na obra Follas novas, de Rosalía de Castro e no conto Rosa de Laíño, de Álvaro Paradela. Acompaña a exposición a edición do libro-catálogo, Rosalía de Castro – Álvaro Paradela. Gravado á pluma, con reproducións dunha escolma de textos de Follas novas e a reprodución facsimilar da obra Dous contos, de Álvaro Paradela, ilustrada cos gravados da exposición.
O acto realizarase respectando todas as medidas sanitarias de prevención contra a COVID-19 e para o cal se debe facer reserva para asistir no teléfono 981 871 342 ou no correo electrónico fundartes@gmail.com.
