O Concello de Boiro desenvolve no Nadal un escape room para a mocidade

O Concello de Boiro, mediante a área de Cultura, desenvolve durante o Nadal unha actividade de escape room destinada ao público infantil e familiar e á mocidade. A actividade vai ter lugar os días 27, 28, 29 e 30 de decembro no local Leñaverde do Centro Social de Boiro con quendas de 10 persoas e sesións para diferentes públicos.

O horario da actividade será en quenda de 17.00 a 18.00 horas para familias e nenos e nenas de 8 a 12 anos (acompañados dun adulto) e de 20.00 a 21.00 horas quenda para mozos e mozas. No acceso habilitarase un punto de recollida de alimentos non perecedoiros para colaborar coa iniciativa solidaria que desenvolve o grupo de voluntariado Turbina.

O máximo de xogadores por quenda é de 10, polo que se require inscrición previa a través dos formularios habilitados na web municipal, www.boiro.gal. Para o acceso é preciso presentar o certificado de vacinación.