O Cidade de Ribeira segue de doce. Onte a pesares de ser festivo, a Primeira Autonómica non descansou, e aos de Santa Uxía tocoulles visitar a un Agolada que marchaba penúltimo con 4 puntos. Os de Moreno viñan logo de vencer ao Flavia 2-1 na casa pero sabían que non se ían atopar un rival fácil na súa visita a Deza a pesares da súa táboa clasificatoria. E así foi, nun partido frío e condicionado polo agotamento físico de xogar 3 partidos en unha semana, provocou que non fora o mellor partido para o espectador. E tivo que ser pouco antes do descanso, no minuto 32 cando un centro de Anthony remataría co gol en propia meta de Joel, o que suporía o único tanto do encontro.
Na segunda metade o Agolada intentouno, pero os de Santa Uxía defendéronse como gato panza arriba para sumar o seu quinto triunfo consecutivo. Con este triunfo o Cidade de ribeira sitúase líder en solitario con 20 puntos. Este domingo remata a primeira volta fronte ao Esclavitud.
Doutra banda o Unión deixou escapar unha vitoria que tiña no peto na primeira metade, cos tantos de Sergio Nieto e Víctor Lorenzo. Sen embargo, un mal arranque do segundo tempo permitiu ao Cruces igualar a contenda cos tantos de Bruno López e Manuel García que puxeron o definitvo 2-2. Con este empate o Unión marcha quinto na táboa con 15 puntos.
O Taragoña pola súa parte rematará a primeira volta sen saber o que é gañar logo de empatar na súa visita ao Esclavitud, un rival directo. E iso que o tanto de Manuel Gozález no 45 permitiu adiantarse no marcador aos de Rianxo, pero o ribeirense Aitor Fernández empatou o partido a falta de 15 minutos para o Esclavitud. Con este empate o Taragoña colócase na última posición con 4 puntos.
No grupo da Costa os resultados tampouco foron favorables. O volantes de Baño perdeu na casa fronte a un dos candidatos ao ascenso, o Tordoia por 0-2. Sétimo é o posto que ocupan os de Muros con 6 puntos. Este domingo reciben ao Soneira.
