O alumnado do CEIP Abanqueiro visitou esta mañá a Casa Consistorial de Boiro

O Concello de Boiro recibiu esta mañá a visita do alumnado de 3, 4 e 5 anos do CEIP de Abanqueiro. Os nenos e nenas tiveron oportunidade de coñecer a Casa Consistorial e os seus servizos e facerlle peticións sobre as súas demandas ao alcalde, José Ramón Romero, e ao concelleiro de Medio Ambiente, Raúl Treus.
O alumnado estivo no salón de plenos, onde puido coñecer como é o funcionamento das sesións plenarias e facer as súas preguntas e peticións, e tamén as dependencias da Policía Local.