Este mércores 15 concentracións en Ribeira contra o desmantelamento de Correos

Os sindicatos CCOO e UGT convocan este mércores, 15 de decembro, concentracións en Carballo e Ribeira contra “o desmantelamento de Correos”. As entidades denuncian “que o modelo de traballo e servizo que está comezando a impor a empresa en localidades como Carballo, Ribeira ou Betanzos é un caos”.

Este modelo, engaden as organizacións, “implica unha diminución de espazos de traballo físicos e de persoas nas unidades de reparto para deixar paso á paquetería comercial de Correos Express e outras empresas filiais de cara ao futuro”.

CCOO e UGT critican que “o modelo que persegue Correos con estes cambios na cartería semella o modelo rider, rompendo a tradicional vinculación entre os factores distrito postal, careiro/a, servizo público e cidadanía”.

Previsión
Mércores, 15 de decembro
— Ribeira. Concentración ás 9:00 diante do Concello
— Carballo. Cocnentración ás 9:30 diante da oficina de Correos

Oficina de Correos no porto de Ribeira