O Concello de Boiro, a través do departamento de Turismo, organiza esta fin de semana a XVII edición da mostra da Camelia Sasanqua e outras. As actividades desenvólvense na sala de exposicións do Mercado Municipal. A mostra deste ano abre o ciclo de mostras da temporada 2022 que se celebran por todo Galicia ata finais de abril.
A XVII edición da mostra da Camelia vai contar con 30 expositores de diversas zonas de Galicia e tamén de Asturias e o norte de Portugal. Durante a mostra poderá visitarse tamén no Mercado Municipal unha mostra fotográfica de camelias realizada por Manuel Hermida Rivas.
Cada ao realizase unha plantación dunha camelia nun lugar do municipio, que este ano vai ter lugar na finca do Pazo de Goiáns e que se realiza antes de dar comezo á mostra, o sábado ás 16.00 horas. O exemplar de camelia sasanqua que se vai plantar é a Camelia Boiro creada por Begoña Franco.
Nos case sesenta metros de exposición poderán verse camelias sasanquas ao natural e tamén outras especies. A exposición pode visitarse o sábado pola tarde, en horario de 17.00 a 20.30 horas, e o domingo en horario partido, de 11.00 a 14.00 horas pola mañá e de 17.00 a 20.30 horas pola tarde.
