As obras do alumeado e da reforma da EDAR de Outes comenzarán nas vindeiras semanas

30 Decembro 2021

O Concello de Outes adxudicou dúas importantes obras en materia de eficiencia enerxétia e saneamento público e que suporán un investimento de máis de 1.100.000 €. Trátase, por unha banda, da mellora enerxética do alumeado público do Concello, actuación que ascende a 811.680 € dos cales o Instituto de Diversificación e Aforro Enerxético (IDAE) achega o 80%, e o 20% restante o concello. A empresa adxudicataria será CYMI S.A. e as obras consistirán na implantación de tecnoloxía LED para todo o alumeado púbico municipal, coa finalidade de reducir os consumos. O proxecto tamén inclúe a mellora das luminarias no paseo de Pontenafonso e no da praia de Broña. O alcalde, Manolo González,destacou que con esta obra prevese conseguir un aforro de máis de 40.000 € anuais na factura eléctrica e tamén unha importante redución na pegada de CO2 do concello. Sinalou, ademais, que se trata dunha obra para a cal o goberno actual conseguíu unha importante subvención de fondos europeos financiados a través do IDAE xa a finais de 2019.

Por outra banda, este mes de decembro tamén foi adxudicada a obra de reforma e mellora da EDAR da Serra de Outes. Neste caso as actuacións ascenden a 300.000 € dos cales Augas de Galicia achega algo máis de 100.000 €, financiándose o resto con recursos propios. A aduxicataria será a UTE Construcións Cernadas SL e Vazquez e Reino SL. Preténdese substituír boa parte da maquinaria e do cadro de mandos da EDAR da Serra, que leva anos sen funcionar correctamente o cal impide o tratamento adecuado de boa parte das augas fecais que se producen no concello e que derivan a esta EDAR. González destacou que a actuación enmarcase na aposta do executivo local por mellorar o sistema de saneamento, dados os numerosos problemas que amosa. Tamén lle agradeceu a Aguas de Galicia a achega feita, se ben lle pedíu maior implicación na mellora e na xestión da rede de saneamento de Outes, “pois iso revertirá nunha maior calidade das augas da nosa ría”, indicou.

Outros artigos

Publicidade

Revista en papel

Opinión

“Grosera manipulación del CIS”. José Castro López

“Grosera manipulación del CIS”. José Castro López

Todas las encuestas previas a las elecciones del 18-F acertaron en la intención del votode los gallegos con diferencias mínimas en la adjudicación de escaños. Todas, menoslas promovidas por un medio de comunicación cercano al Gobierno de España y las tresque realizó...

“Son os anos…”. Xulio Xiz

“Son os anos…”. Xulio Xiz

Anos e experiencia permítenme ser un optimismo relativo que ve o arredor coa mellor das perspectivas, estimando que a maioría das persoas fai as cousas o mellor que pode, e as administracións teñen intención benéfica nas accións que enfrontan. Os anos danme...