Non é a primeira ocasión na que esta matanza se produce nas illas Feroe, pero é hora de que sexa a derradeira. Xa está ben de gardar silenzo no ámbito da Unión Europea, que comparte moitas cousas con ese goberno insular que consentiu nas últimas décadas a matanza de cetáceos nas Illas Feroe mentres ca UE garda un inexplicable silenzo sobre o acontecido. Calar e consentir.
Após tantos anos de silenzo, a Unión Europea e os seus Estados membros representados na Comisión Baleeira Internacional (CBI) espertan agora emitindo unha decraración oficial na que piden ao Goberno das illa Feroe que “poñan fin inmediatamente á desfasada práctica da caza de baleas e golfiños”. Obviamente, Dinamarca non asinou tal decraración, algo comprensible tendo en conta que as Illas Feroe (ou Illas dos Años) son un territorio autónomo do Reino de Dinamarca. Esa decraración critica duramente a matanza masiva de máis de 1.400 golfiños, e recalca o doroso sistema empregado para esta pesca masiva de golfiños, que alonga o seu sufrimento. Os países comunitarios espoñen a súa preocupación polo “impacto sobre as poboacións” desta especie provocada pola devandita actividade e que se leva a cabo porque é unha especie que habita tanto en áreas da UE como fora dela e falta investigación sobre o seu estado exacto de conservación.
A noticia da petición -que non esixencia- foi acollida internacionalmente con satisfación polas organizacións ambientais que loitan pola preservación dos golfiños nesta parte do mundo por entender “innecesaria e cruel a matanza de baleas e golfiños nestas augas ás portas da Unión Europea” engadindo que resulta “decepcionante observar que Dinamarca non fixo súa esta decraración comunitaria, xa que logo e segundo expresa o Goberno dinamarqués, non cadra cos intereses das Illas Feroe”·
O pasado 12 de setembro, ao menos 1.428 golfiños de flancos brancos do Atlántico adultos e ducias de exemplares xuvenís forfon guiados a terra e masacrados en Skálafjorour, ao leste das citadas illas. A caza directa de caldeiróns, outras especie de golfiños, proseguiu poucos días dempois.Todos os anos, a mediados de setembro, ten lugar aló unha tradición tinguida de sangue: a matanza de cetáceos, nomeadamente golfiños e baleas piloto. coñecida como grind co obxectivo, disque, de garantir o subministgro alimentario para o inverno, un vestixio do pasado que pervive.
Sea Shepherd, a entidade que se opón ao grind, emitiu tamén unha nota na que explica que este grupo de 1.429 golfiños “foi guiado durante moitas horas”, e ao longo de 45 quilómetros padeceron a persecución e caza inmisericorde de todos e cada un dos membros da manda, converténdoa “na captura máis grande da historia”. A entidade medioambientalista, que leva moitos anos de loita contra esa práctica, afirma que o sucedido este ano constitúe un verdadeiro récord: “É a captura máis grande na historia das Illas Feroe”. A anterior en dimensión foron as 1.200 baleas piloto de 1940.
A esta denuncia únense nas últimas semáns molitos viciños que coidsn excesiva esta cacería. O xornal dinamarqués Ekstra Bladet pubricou unha reportaxe con numerosos testemuños de habitantes feroenses que amosaban a súa indignación polo pasado recente.
Esta cacería producíuse cando as Illas Feroe xa cazaran ao longo do verán un total de 615 baleas pìloto, o que eleva o número de cetáceos mortos a 2.043 só durante os meses deste ano, segundo un voceiro de Sea Shepherd.
