O Concello da Pobra informou que cancela a inauguración do parque infantil da Lombiña que estaba prevista para hoxe, 29 de decembro, ás 17.00 horas.
Os labores feitos no parque consistiron na execución dun novo pavimento, a colocación de caucho e a dotación de novo mobiliario e xogos para as crianzas (varios balancíns e randeeiras, un tobogán e un equipo combinado). Ademais, dispuxose dun peche perimetral de madeira. A superficie é de 287 metros cadrados e cóntase coa autorización do Servizo de Urbanismo ao situarse no dominio público marítimo-terrestre.
A actuación foi adxudicada á empresa Ouri Entretenimientos S.L. por un importe total de 46 878’46 euros, IVE incluído, dos cales 32 000 euros proveñen do ente provincial e 14 878’46 euros da Administración local.