Despois de dous cursos sen actividade, este martes 14 de decembro ponse de novo en marcha a Escola Municipal de Música de Ribeira, a iniciativa dirixida a nenos e nenas de 3 a 7 anos e que organiza o Conservatorio Profesional de Música Enrique Paisal.
A profesora que impartirá e que se incorpora como nova profesora ao centro será Alejandra Medín Doce quen, no proceso selectivo que tivo lugar o mes pasado, acadou a maior puntuación.
Alejandra, natural de Valdoviño, é titulada superior na especialidade de pedagoxía e posúe experiencia docente, posto que leva varios anos traballando con nenos e nenas desas idades. Ademais impartirá varias materias no conservatorio.
En canto á matrícula da Escola quedan aínda prazas nas idades de 3, 4 e 7 anos estando completo o grupo de 5/6 anos.
Para máis información as persoas interesadas poden chamar en horario de mañá ao teléfono do centro (981 87 32 04).
O prezo da actividade ata maio é de 79,49€ con dúas clases semanais.
