O Concello de Porto do Son informou de que esta semana entramos na recta final da campaña Nadal Máxico, Nadal Solidario, impulsada para acadar, en colaboración coa cidadanía, unhas festas o máis inclusivas, sustentábeis, xenerosas e integradoras posíbeis. O prazo para colaborar na iniciativa, que se puxo en marcha o pasado 22 de novembro co obxectivo concreto de “botar unha man con doazóns a Papá Noel e aos Reis Magos”, remata este 10 decembro.
As veciñas e veciños de Porto do Son poderá botar unha man en horario de 17.00h a 19.00 horas, achegando as súas doazóns (xogos, xoguetes e outros artigos) na Ludoteca Municipal. Para máis información, cómpre poñerse en contacto cos responsábeis da iniciativa a través da conta de correo omix@portodoson.gal ou do teléfono 698 197 909.
